قناة اون سبورت بث مباشر on sport اون تايم سبورت

ردت الفنانة حلا شيحة على تصريحات والدها و التى ادلى بها بشأن زوجها معز مسعود رافضة مهاجمة والدها له و معبرة عن صدمتها من حديث والدها.

 

و كانت حلا شيحة قد اثارت الجدل فى الايام القليلة الماضية بعد أزمتها مع الفنان تامر حسني بسبب طرح مشاهد رومانسية من فيلم "مش أنا" و تبرؤها من هذه المشاهد.

و كان أحمد شيحة والد حلا شيحة قد صرح ان فيلم "مش أنا" كان يعجب ابنته حلا شيحة أثناء تصويره مع الفنان تامر حسني موجها رسالة لابنته باكيا قائلا: "يا حلا اعتذري عما كتبتبه لمصر كلها".

و اكد والد حلا شيحة أن الكلام الذي نشرته حلا ليس كلام ابنتها أو طبيعتها مشيرا الى انه لم يتحدث إليها منذ 10 أيام و ان والدتها عاتبتها وكانت مترددة في ردودها على أمها مشيرا مؤكدا انه لا يقبل أن تُختطف ابنته الفنانة.

فى المقابل جاء رد حلا شيحة عبر حسابها على انستجرام بنشر صورة لزوجها معز مسعود تدافع فيها عنه و ترد فيها على تصريحات والدها و التى جاءت كالآتى :

الحقيقة مصدومة من الكلام اللي والدي قاله عن زوجي اللي اتجوزته بكامل ارادتي و الحمد لله لقيت معاه كل المعاني الجميلة من احترام و رجولة و شهامة نادرة الايام دي و انا لم يخطفني احد كما قال والدي و الكلام ده لا يصح ابداً انا بحب زوجي و سعيدة بحبه ليا و بنحترم بعض و معز بيحترم رايي و بيقدر مشاعري و بالعكس هو دائما بيهدّيني.

 

و طبعا بيساندني ويشجعني لاني زوجته و حبيبته و هو اكبر بكتير من كل الكلام اللي بيتقال عليه و افتراءات مش صحيحة و هو ابعد ما يكون عنها.

 

لن اسمح لاحد الكلام عنه و لن اسمح بأي تصور خاطئ عنه بأي شكل من الاشكال معز طول عمره له رؤيته الواضحة في الدين و حتي في الفن و هو ليس مع اي جماعة او فئة معينة هو يمثل نفسه و له افكاره وارائه العلمية و الدينية المختلفة الجميلة و ليس لاحد ان يصنفه او يضعه في اي قالب فقط لأن هواه لا يوافق ما يمثله معز هو في ايه في بلدنا الايام دي بنحارب و نصارع في بعض و عايشين في قصص وهمية من نسج خيالنا عن بعض.

 

هو خلاص اي حد يتكلم بلغة الدين لازم يبقي متطرف او اخواني هو مبقاش في مسلمين وسطيين طبيعين هو ليه كل انواع الهجوم ده علي اي حد انا زعلانة من والدي جداً لانه يعرف معز كويس جدا و قعدوا مع بعض كتير ووالدي يحبه جدا و شاف منه كل خير.

 

معز زيي اتجوز ١٤ سنة من عمره و كان مستقر في حياته و عنده ثلاث اولاد ربنا يخليهمله جمال ماشاء الله و عمره ما كان بتاع ستات زي ما بيتقال كلام لايليق ابدا و في الاخر زيي لم يكمل جوازه و حدث الطلاق و كلنا معرضين لده طبيعي انه كان بيحاول زي اي راجل محترم انه يلاقي استقرار في حياته في الحلال و متوفقش اكتر من مرة و دي مش حاجة تعيب أي حد ، والحمد لله اتقابلنا و تلاقينا لان ظروفنا قريبة جدا و عندي اولاد مثله و اولادنا شبه بعض الحمد لله و استقرينا احنا الاتنين ليه ده يزعل الناس بدل ما ندعي لبعض بالخير بقينا نتصيد لبعض و نخوض في اعراض بعض هو حصل في مجتمعنا ده احنا جرالنا ايه ، في الاخر بوجه كلمة لوالدي الحبيب ان لا يصح ابدا كلامك مع كامل احترامي لك و للجميع.

 

انا الحمد لله سعيدة في حياتي و مع زوج اتشرف انه زوجي و بعتز بيه و احنا اصدقاء قبل ان نكون أزواج و كل كلمة اكتبها و قلتها نابعة مني و انا متدينة بطبعي زي اي ست مصرية بتحب دينها وده لا يعيبني.

 

وتديني اللي بدأ من اكتر من ١٥ سنة من المنطقي ان معز مش هو سببه مش محتاجة حد يخطفني او يكتب عني او يوجهني.. هذا كلام لا يليق . دعوا الخلق للخالق و كل واحد يخليه في حاله .. وياريت نسمع من بعض بدل ما نسمع عن بعض .. احسنوا الظن.