علق باسم يوسف على دعوة السيسى للتبرع لصالح مصر عن طريق مكالمة تليفونية , بانه لا يوجد مصرى "يستخسر" ان يصبح على مصر باى مبلغ. و لكنه دعا الى الى المحاسبة على عدة امور قبل الدعوة للتبرع و هى:
1- المحاسبة على "التصبيحة" بتاعة ال ٦٤ مليار جنيه بتاعة قناة السويس.
2- المحاسبة على صرف مبالغ مرعبة على بناء سجون هي الأكثر و الأكبر في قارة افريقيا.
3- المحاسبة على فلوس مبارك اللي أوروبا باست أيدينا عشان نرجعها و لم نرجعها.
4- المحاسبة على الملايين اللي اتصرفت على أكبر نكتة في العصر الحديث "جهاز الكفتة".
5- المحاسبة على الضرايب اللي بالمليارات اللي مش بتدفعها اكتر من جهة سيادية.
6- المحاسبة على الكهربا و الميه و الضرايب و الرسوم اللي مش بيدفعها الجيش على مشروعات استثمارية .
7- المحاسبة على الفلوس اللي ضاعت من مصر بسبب هروب السياح منها عشان انت طلعت ضربت سياح بطياراتك في الصحرا و عذبت طالب طلياني و قتلته.
8- المحاسبة على الفلوس اللي اتصرفت على رفع مرتبات و معاشات و بدلات و مكافات القضاء و العسكريين و الشرطة مرة و اتنين و تلاتة.
و اختتم باسم قائلا :"فيه خمسين حاجة تانية نتحاسب عليها من اول ال٣٠ مليار (دولار مش جنيه) بتوع الخليج للمؤتمر الاقتصادي للعاصمة الإدارية قبل ما تقولنا صبحوا بس الواحد زهق انه يكرر نفس الكلام.
فتعالى نتحاسب على اللي فات ده الاول قبل ما تشخط فينا و تقولنا نصبح او تضطر يا عيني تبيع نفسك"